የሶስቱ አዘጋጅ ሀገራት የዛሬ ምሽት የዓለም ዋንጫ ጨዋታዎ

የ2026ቱ የዓለም ዋንጫ የምድብ ጨዋታዎች ዛሬ ምሽት ሲቀጥሉ በታሪክ ለመጀመሪያ ጊዜ ውድድሩን በጋራ እያዘጋጁ የሚገኙት ሦስቱም የሰሜን አሜሪካ ሀገራት በሜዳቸው ታላላቅ ጨዋታዎችን ያደርጋሉ።

ካናዳ በቫንኩቨር ከኳታር ጋር ወሳኝ ፍልሚያ ታደርጋለች። ሁለቱም ሀገራት በመክፈቻ ጨዋታዎቻቸው 1 ለ 1 በሆነ ተመሳሳይ ውጤት በመለያየታቸው የመጀመሪያ ድላቸውን አጥብቀው ይፈልጋሉ።

የጄሴ ማርሽ ፈጣን የካናዳ ማጥቃት መስመር ከኳታር ጠንካራ መከላከል ጋር የሚጋጠም በመሆኑ ጨዋታው በጉጉት ይጠበቃል።

በሌላ በኩል ሌላኛዋ አዘጋጅ አሜሪካ በሲያትል ከአውስትራሊያ ጋር የምታደርገው ጨዋታ ከፍተኛ ትኩረት ስቧል።

አሜሪካ ባለፉት ጨዋታዎች 80% የበላይነት ቢኖራትም አውስትራሊያ በ70% የአየር ላይ ኳስ ስኬቷና በግብ ሙከራዎቿ አስፈሪነቷን አስመስክራለች።

ጨዋታው የአሜሪካን የ85% የኳስ ቅብብል ስኬትና ፈጣን መልሶ ማጥቃት የሚፈትን ይሆናል።

በመጨረሻም በምድቡ እኩል 3 ነጥብ የያዙት ሜክሲኮና ደቡብ ኮሪያ የምድቡን መሪነት ለመጨበጥ በኤስታዲዮ አክሮን ስታዲየም ታላቅ ፉክክር ያደርጋሉ።

ሜክሲኮ በተሻለ የግብ ልዩነት ምድቡን እየመራች ሲሆን ደቡብ ኮሪያ በሁለተኝነት ትከተላለች።

የተከበራችሁ የሎሚ ስፖርት ተከታታዮች የእናንተስ የውጤት ግምት ምንድነው?

አሁኑኑ በኮሜንት ያጋሩን።