የኢትዮጵያየብድር ሽግሽግ ድርድር እና የፋይናንስ ሚኒስቴር ይፋዊ መግለጫ

 የኢትዮጵያ ፋይናንስ ሚኒስቴር ከዓለም አቀፍ የቦንድ ባለቤቶች (Eurobond Holders) ጋር ላለፉት ሶስት ሳምንታት (ከግንቦት 6 እስከ ግንቦት 27 ቀን) ሲያካሂድ የነበረው የ1 ቢሊዮን ዶላር ዕዳ ሽግሽግ (Debt Restructuring) ድርድር ያለ ስምምነት መጠናቀቁን በይፋ አስታወቀ።

መንግስት ባለፈው ጥር ወር ላይ ከአበዳሪዎች ጋር “በመርህ ደረጃ” ላይ ደርሶበት የነበረው ስምምነት፣ በፓሪስ ክለብ እና በባለብዙ ወገን አበዳሪዎች ስብስብ (Official Creditor Committee - OCC) ውድቅ መደረጉ ይታወሳል። የኦሲሲ (OCC) ኮሚቴ ስምምነቱን ውድቅ ያደረገው “ሁሉንም አበዳሪዎች በእኩልነት የማስተናገድ” (Comparability of Treatment) መርህን አይከተልም በሚል ነበር።

 መንግስት የኦሲሲን አስተያየት መነሻ በማድረግ የሀገሪቱን የወደፊት የኢኮኖሚ እድገት ታሳቢ ያላደረገ አዲስ የተሻሻለ ረቂቅ ቢያቀርብም፣ የቦንድ አበዳሪዎቹ ኮሚቴ (Ad Hoc Committee) ሀሳቡን በሙሉ ድምፅ ውድቅ አድርጎታል። የፋይናንስ ሚኒስቴር ይፋ ባደረገው መግለጫ፣ የሀገሪቱን የረጅም ጊዜ የኢኮኖሚ ጥንካሬ ለመጠበቅ እና ከቡድን 20 ሀገራት መርሆዎች ጋር በተጣጣመ መልኩ ፍትሃዊ እና ግልፅ ድርድርን በቅን ልቦና ማድረጉን እንደሚቀጥል አስታውቋል።