የ2026ቱ የፊፋ የዓለም ዋንጫ እለታዊ መረጃ

ውድ የሎሚ ስፖርት ዜና ተከታታዮች፣ ዛሬ ምሽት በእግር ኳስ አፍቃሪያን ዘንድ በጉጉት የሚጠበቀው የ2026ቱ የፊፋ የዓለም ዋንጫ የምድብ ጨዋታ በፖርቹጋል እና በዲሞክራቲክ ሪፐብሊክ ኮንጎ መካከል ይካሄዳል። ይህ አጓጊ ፍልሚያ  በኢትዮጵያ ሰዓት አቆጣጠር ከምሽቱ 2፡00 ሰዓት (8:00 PM) ጀምሮ በሂዩስተን ቴክሳስ በሚገኘው ታዋቂው ኤን.አር.ጂ ስታዲየም የሚደረግ ይሆናል።

 ወደ ጨዋታው ግምት እና የጥንካሬ ሚዛን ስንመጣ፣ ፖርቹጋል በአውሮፓ ማጣሪያ ጨዋታዎች ላይ 20 ግቦችን በማስቆጠር እጅግ ጠንካራ የሆነ የአጥቂ መስመር እንዳላት በተግባር ያሳየች ሲሆን፣ በዓለም አቀፍ ደረጃ ስመጥር የሆኑ ተጫዋቾችን በስብስቧ በመያዟም የዚህ ጨዋታ ቀዳሚ እና ግልጽ አሸናፊ ሆና ትቀርባለች። 

በመሆኑም የጨዋታው አጠቃላይ ግምት ፖርቹጋል ዲ.አር. ኮንጎን 3 ለ 0 ታሸንፋለች የሚል ነው። ውድ ተመልካቾቻችን፣ እናንተስ የዚህን ጨዋታ ውጤት ስንት ለስንት ይጠናቀቅ ይሆን? ገምቱ!

 #

በሌላ ምድብ ማዕቀፍ ውስጥ የእንግሊዝ እና የክሮኤሺያ ብሔራዊ ቡድኖች ዛሬ  ሰኔ 17  በኢትዮጵያ ሰዓት አቆጣጠር ከምሽቱ 5፡00 ሰዓት (23:00) ላይ ይካሄዳል። ይህ ፉክክር የሚስተናገደው በአሜሪካ ቴክሳስ በሚገኘው ዳላስ ስታዲየም ነው።

የቡድኖቹኝ ወቅታዊ አቋም ስንመለከት፣ በአሰልጣኝ ቶማስ ቱቼል የሚመራው የእንግሊዙ ስብስብ በመከላከል ጠንካራ እና በሚገባ የተዋቀረ ቡድን መሆኑን ያስመሰከረ ሲሆን፣ በማጣሪያ ጨዋታዎች ላይ አንድም ግብ እንኳን ሳያስተናግድ ለዚህ ውድድር ደርሷል።  ተቀናቃኛቸው ክሮኤሺያ እንደ ሉካ ሞድሪች ያሉ በውሳኔ ሰጪነታቸው የሚታወቁ፣ ብስል እና ልምድ ያላቸውን ከዋክብት በስብስቧ ይዛ የምትቀርብ በመሆኗ ጨዋታውን እጅግ አጓጊ ያደርገዋል።

አብዛኞቹ የስፖርት ተንታኞች እንደሚገምቱት ከሆነ፣ ጨዋታው በከፍተኛ ፉክክር የሚታጀብ ቢሆንም በመጨረሻ እንግሊዝ 2 ለ 1 በሆነ ጠባብ ውጤት ታሸንፋለች የሚል ግምት ሰጥተዋል። ተመልካቾች፣ የእናንተስ ግምት ምንድነው? ይህንን ጨዋታ በትክክል ለገመተ የምንሸልምበት ልዩ ዝግጅት ስላለን፣ እየገመታችሁ እና እየተሸለማችሁ የዓለም ዋንጫውን ድምቀት አብራችሁን እንድትካፈሉ እንጋብዛለን።