ለሎሚ ስፖርት አጫጭር ዜናዎች!

ደቡብ ኮሪያ  እና በካፒቴን ሰን ሂዩንግ-ሚን የተመራ ትልቅ ህልም !

የእስያ ግዙፉ ደቡብ ኮሪያ ለ2026ቱ ፊፋ ዓለም ዋንጫ የሚያገለግላትን ይፋዊ ስብስብ ይፋ አድርጋለች። በካፒቴን ሰን ሂዩንግ-ሚን (LAFC)፣ በባየር ሙኒኩ የခံከላ ምሰሶ ኪም ሚን-ጄ እና በፒኤስጂው የመስመር አጥቂ ሊ ካንግ-ኢን የሚመራው ይሄው ስብስብ፣ ሀገሪቱ በ2002 በገዛ ሜዳዋ ያስመዘገበችውን የ4ኛ ደረጃ ታሪክ ለመድገም አልሟል። ኮሪያ በምድብ A ከሜክሲኮ፣ ደቡብ አፍሪካ እና ቼክ ሪፐብሊክ ጋር ትጫወታለች።

 የፈረንሳይ ስብስብ ይፋ ሆነ፤ ለደሻምፕ የመጨረሻው ውድድር!

የፈረንሳዩ አሰልጣኝ ዲዲየር ደሻምፕ ኮከቦች የተሞሉበትን የ26 ተጫዋቾች ስብስብ ይፋ አድርገዋል። ደሻምፕ ይህ የዓለም ዋንጫ ከፈረንሳይ ብሄራዊ ቡድን ጋር የሚያደርጉት የመጨረሻው የውድድር መድረክ እንደሚሆን በይፋ አረጋግጠዋል።

ኮትዲቩዋር ከ12 ዓመታት በኋላ ወደ ዓለም ዋንጫ ተመልሳለች!

የአፍሪካ ሻምፒዮኗ ኮትዲቩዋር (የዝሆኖቹ ስብስብ) ለ2026 ዓለም ዋንጫ የሚጓዙ 26 ተጫዋቾችን ይፋ አድርጋለች። ከ12 ዓመታት ቆይታ በኋላ ወደ መድረኩ የተመለሰችው ኮትዲቩዋር በምድብ E ከጀርመን፣ ኢኳዶር እና ኩራካዎ ጋር ትፋለማለች።

የዓለም ዋንጫው የፍጻሜ ጨዋታ በታላላቅ ኮከቦች ይደምቃል!

ፊፋ (FIFA) እንዳስታወቀው በ2026ቱ የዓለም ዋንጫ ፍጻሜ ጨዋታ ላይ እንደ ‘Super Bowl’ አይነት ታላቅ የሙዚቃ ኮንሰርት (Halftime Show) ይዘጋጃል። በዚህ ታሪካዊ መድረክ ላይ ማዶና (Madonna)፣ ሻኪራ (Shakira) እና የኮሪያው የሙዚቃ ቡድን BTS በጋራ መድረኩን እንደሚያደምቁት ታውቋል።

ጃፓን ስብስቧን ይፋ አደረገች፤ ሚቶማ ግን ውጭ ሆኗል!

የሳሙራዮቹ አሰልጣኝ ሀጂሜ ሞሪያሱ ለዓለም ዋንጫው የሚጓዘውን የ26 ተጫዋቾች ስብስብ ይፋ ያደረጉ ሲሆን፣ የብራይተኑ ኮከብ ካኦሩ ሚቶማ በጉዳት ምክንያት ከስብስቡ ውጭ መሆኑ የሀገሪቱን ደጋፊዎች አስቆጭቷል።

 ፈጣንና ትኩስ የስፖርት መረጃዎችን ለማግኘት ቻናላችንን ይቀላቀሉ!