ከአሜሪካው የምርጫ ውጤት በኋላ የዓለም አቀፍ የነዳጅ ዋጋ በከፍተኛ ሁኔታ ቀነሰ

ከአሜሪካው አገር አቀፍ ምርጫ ማጠናቀቅ በኋላ በዓለም አቀፍ የነዳጅ ገበያ ላይ የዋጋ መውረድ መታየቱ ተረጋገጠ።

በምርጫው ማግስት በተመዘገበው የገበያ እንቅስቃሴ የምግብና የነዳጅ ዋጋ መረጋጋት ላይ አዎንታዊ ተጽዕኖ ይኖረዋል ተብሎ በመገመቱ የነዳጅ በርሜል ዋጋ ከነበረበት ከፍተኛ ደረጃ በየቀኑ ቅናሽ እያሳየ ይገኛል። 

በዓለም አቀፍ የነዳጅ ገበያ (Brent Crude) እና የዩናይትድ ስቴትስ የነዳጅ ማዕከል (WTI) ላይ የበርሜል ዋጋዎች ከ8 በመቶ በላይ ቅናሽ ማሳየታቸው ተዘግቧል።

የምጣኔ ሀብት ባለሙያዎች እንደሚሉት የፋይናንስና የነዳጅ ገበያው የምርጫውን ውጤት ተከትሎ አዲስ የፖሊሲ ማሻሻያዎችን እና አቅርቦት ሊጨምር ይችላል የሚል ግምት በመያዙ ነው። 

በተለይም በአዲሱ አስተዳደር ስር በሚተገበሩ የኃይልና የጂኦ-ፖለቲካዊ ፖሊሲዎች ምክንያት በነዳጅ ንግድ ላይ የነበረው ስጋት በመቀነሱ ኢንቨስተሮች በስፋት ገበያውን እንዲቀላቀሉ አድርጓቸዋል።

ይህ የነዳጅ ዋጋ ቅናሽ በዓለም አቀፍ ደረጃ በጋዝ እና በኑሮ ውድነት ላይ የሚታየውን ጫና ይቀንሳል ተብሎ የሚጠበቅ ሲሆን የዓለም የገንዘብ እና የአክሲዮን ገበያዎችም በበጎ ጎኑ እንደተቀበሉት ተመልክቷል።

የነዳጅ ዋጋ መቀነስ የኢትዮጵያን፣ የኬንያንና የተቀሩትን ጎረቤትሀገራት  የነዳጅ ማስገቢያ ወጪ ይቀንሳልተብሎ የሚጠበቅ ሲሆን ያም ሆኖም በአካባቢው ዋጋው አሁንም ከዓመት በፊት ከነበረው 45% ገደማ እንዳሻቀበ ነው ።