የአዲስ አበባ እና ሌጎስ አዲሱ የቢሊዮን ዶላር ጋብቻ! (የሎሚ ኒውስ ልዩ ትንተና)

የኢትዮጵያ የፋይናንስ ዘርፍ ለውጭ ኢንቨስተሮች ከተከፈተ ወዲህ ለመጀመሪያ ጊዜ አንድ ታሪካዊ እርምጃ ተመዝግቧል። የናይጄሪያው የፋይናንስ ግዙፍ ተቋም ‘ዩናይትድ ካፒታል ግሩፕ’ (United Capital Group) በኢትዮጵያ የመጀመሪያውን የውጭ ኢንቨስትመንት ባንክ ፈቃድ ማግኘቱን የኢትዮጵያ ካፒታል ገበያ ባለሥልጣን አስታውቋል።

 ምን ተፈጠረ?

የባለሥልጣኑ ዋና ዳይሬክተር ሀና ተክሉ እንደገለጹት፣ ለናይጄሪያው ተቋም ግንቦት 28 ቀን 2018 ዓ.ም ፈቃዱ የተሰጠው ለወራት የተደረገን እጅግ ጥብቅ የሕግ፣ የፋይናንስና የሰነድ ምርመራ (Due Diligence) ከተጠናቀቀ በኋላ ነው።

ዋና ዋና ነጥቦች እና አዲሱ መረጃ፦

·  የመዋዕለ ነዋዩ መጠን፡ ተቋሙ በሕግ ከተቀመጠው የ25 ሚሊዮን ብር አነስተኛ ካፒታል እጅግ በላቀ ሁኔታ፣ ከ1.5 ሚሊዮን የአሜሪካ ዶላር በላይ ጠንካራ የውጭ ምንዛሬ በቀጥታ ወደ ሀገር ውስጥ አስገብቷል።

·   ሙሉ በሙሉ የውጭ ባለቤትነት፡ ተቋሙ ‘ዩናይትድ ካፒታል ፋይናንሻል ሰርቪስስ ኃ/የተ/የግ/ማኅበር’ የተሰኘ ሙሉ በሙሉ በራሱ የሚተዳደር (Wholly-owned subsidiary) ቅርንጫፍ ነው የከፈተው። ይህ እርምጃ የሀገሪቱን የኢኮኖሚ ሊበራላይዜሽን ማሻሻያ በተግባር ያሳየ ትልቅ ማሳያ ነው።

·    የ60 ዓመት ልምድ፡ በምዕራብ አፍሪካ ትልቅ ስም ያለው ይህ ተቋም፣ ከስድስት አስርት ዓመታት በላይ ያካበተውን የአፍሪካ አቀፍ የካፒታል ገበያ ልምድ ይዞ ነው አዲስ አበባ የገባው። 

"ይህ የናይጄሪያው የፋይናንስ ግዙፍ ተቋም ወደ ኢትዮጵያ መግባት፣ ሀገሪቱ ከብሪክስ (BRICS+) ጥምረት ጋር ከጀመረችው ሰፊ የኢኮኖሚ ውህደት አውድ ጋር በቀጥታ ይገናኛል። ኢትዮጵያ የብሪክስ አባል መሆኗንና ናይጄሪያም በጥምረቱ ውስጥ ያላትን ጉልህ ሚና ተከትሎ፣ እንዲህ ዓይነቱ በታዳጊ ሀገራት (Global South) መካከል የሚደረግ የካፒታል ፍሰት የምዕራባውያንን ጥገኝነት የሚቀንስና የአፍሪካን የውስጥ የፋይናንስ አቅም የሚያጠናክር ተጨባጭ እርምጃ ተደርጎ ተወስዷል።"ምንም እንኳን ተቋሙ አሁን ላይ መነሻ ካፒታሉን በዶላር (1.5 ሚሊዮን ዶላር) ይዞ ቢገባም፣ የብሪክስ ዋነኛ ግብ አባል ሀገራት በራሳቸው የሀገር ውስጥ ገንዘቦች (Local Currencies) ንግድና ኢንቨስትመንትን እንዲያሳልጡ መድረክ መፍጠር ነው። ዩናይትድ ካፒታል በአፍሪካ የካፒታል ገበያ ላይ ካለው ሰፊ ልምድ አንጻር፣ ወደፊት በኢትዮጵያ ብር እና በናይጄሪያ ናይራ (Naira) ወይም በሌሎች የብሪክስ አባል ሀገራት ገንዘቦች መካከል የሚደረጉ የፋይናንስ ግብይቶችን እና የቦንድ ሽያጮችን ለማመቻቸት ምቹ ድልድይ ሊሆን ይችላል።

 የኢትዮጵያ  የካፒታል ገበያ (Securities Exchange) የሀገር ውስጥ ኩባንያዎች ብቻ ሳይሆኑ፣ የብሪክስ አባል ሀገራት ግዙፍ ኩባንያዎች ጭምር መጥተው መዋዕለ ንዋይ የሚያፈሱበት መድረክ እንዲሆን ታቅዶ የተዘጋጀ ነው። እንደ ዩናይትድ ካፒታል ያሉ የኢንቨስትመንት ባንኮች ደግሞ እነዚህ የብሪክስ አጋር ኩባንያዎች ወደ ኢትዮጵያ ገበያ ሲገቡ የፋይናንስ ምክር ለመስጠትና ቢሊዮኖችን ለማንቀሳቀስ ግንባር ቀደም ተዋናይ ይሆናሉ ተብሎዋል ።

#LomiiNews #Ethiopia #Economy #Finance #UnitedCapital #InvestmentBanking #Africa