የጥርጣሬው ምህዳር እና የኢትዮጵያ አዲስ የዲፕሎማሲያዊ ስትራቴጂ

​በአፍሪካ ቀንድ «የጋራ ብልፅግናን» ማረጋገጥ፡ የጥርጣሬው ምህዳር እና የኢትዮጵያ አዲስ የዲፕሎማሲያዊ ስትራቴጂ በአፍሪካ ቀንድ ሀገራት መካከል የሰፈነው ስር የሰደደ አለመተማመን እና መጠራጠር ቀጠናውን ለባዕዳን ኃይሎች መጠቀሚያ እና ለጂኦ-ፖለቲካዊ ፉክክር መድረክ እያደረገው መሆኑ ተጠቆመ። ኢትዮጵያ ይህንን የተዛባ ምህዳር ለመቀየር እና የጋራ እድገትን ለማረጋገጥ በ«መደመር» ፍልስፍና ላይ የተመሰረተ አዲስ የዲፕሎማሲያዊ አካሄድ በቁርጠኝነት እያከናወነች ትገኛለች።

የአፍሪካ ቀንድ አካባቢ ላለፉት በርካታ አስርት ዓመታት በተለያዩ ውስብስብ ውጥረቶች እና አለመረጋጋቶች ውስጥ ማለፉ ይታወቃል። አሁን  በሀገራቱ መካከል ያለው መጠራጠርና አለመተማመን ስልታዊ በሆነ መንገድ ካልተቀረፈ፣ ቀጠናው የውጭ ኃይሎች የፍላጎት ማሳኪያ እና የጦርነት አውድማ የመሆን ዕድሉ ሰፊ መሆኑን የዘርፉ ተንታኞች ያስጠነቅቃሉ። ይህንን አሳሳቢ ሁኔታ ለመቀልበስ ኢትዮጵያ አዲስና ሁሉን አቀፍ ስትራቴጂ ይዛ ብቅ ብላለች።የውጭ ኃይሎች ጣልቃ ገብነት እና የታሪክ ስህተትየውጭ ጉዳይ ኢንስቲትዩት ዋና ዳይሬክተር አቶ ጃፋር በሩ በጉዳዩ ላይ በሰጡት ሰፊ ማብራሪያ፣ የቀጠናው ሀገራት

እርስ በርስ በመጠራጠራቸው ሳቢያ ትልቅ የታሪክ ስህተት እየፈጸሙ መሆኑን አስገንዝበዋል። ሀገራቱ የቅርብ ወንድማቸውን እና ጎረቤታቸውን እጅ በመንፈግ፣ በተቃራኒው የሩቅ ኃይላትን አምነው የልማት በራቸውን እየከፈቱላቸውይገኛል።የቀጠናው ሀገራት ከታሪካዊና ባህላዊ ትስስራቸው ይልቅ ለሩቅ ሀገራት የተፈጥሮ ሀብታቸውን አሳልፈው ለመስጠትሲስማሙ ይታያል። ነገር ግን የኢትዮጵያን ህጋዊ እና ፍትሃዊ የልማት ጥያቄ በከፍተኛ ጥርጣሬ መመልከታቸው ለትውልድ የሚተርፍ ታሪካዊ ስህተት ነው፤ ይህ ሁኔታ በአስቸኳይ ሊቆም ይገባል።

የውጭ ጉዳይ ኢንስቲትዩት ዋና ዳይሬክተርአቶ ጃፋር በሩ ይህንን የተዛባ የፖለቲካ ምህዳር ለማስተካከል ኢትዮጵያ የነደፈችው አዲሱ የዲፕሎማሲ አካሄድ ዋና ዓላማው «ጎረቤትን የማስቀደም» መርህ ላይ የተመሰረተ ነው። ይህ መርህ የጋራ ተጠቃሚነትን፣ የኢኮኖሚ ትስስርን እና የመሰረተ ልማት ግንባታዎችን በጋራ ማልማትን ታሳቢ ያደረገ ነው። ኢትዮጵያ የምትፈልገው የብቻ እድገትን ሳይሆን

ከቀጠናው ሀገራት ጋር በጋራ ማደግና መበልጸግን እንደሆነ በተደጋጋሚ እያሳየች ትገኛለች። ከ130 ሚሊዮን በላይ ህዝብ ያላት ታላቋ የረዥም ዘመን ሀገር ኢትዮጵያ የባህር በር አልባ ሆና መቆየቷ የኢኮኖሚ ብቻ ሳይሆን የብሔራዊ ደህንነት ስጋት ጭምር መሆኑ ግልጽ ነው። በመሆኑም ወደ ቀይ ባህር ለመድረስ የምታደርገው ጥረት እና የምታነሳው ጥያቄ መሰረታዊ የህልውና ጉዳይ መሆኑን አቶ ጃፋር አብራርተዋል።

ይሁን እንጂ የኢትዮጵያ የባህር በር ፍላጎትም ሆነ የቀጠናው ሁለንተናዊ ራዕይ የሚሳካው በኃይል ሳይሆን በትብብር በዲፕሎማሲያዊ ድርድር እና በጋራ ልማት ላይ ብቻ የተመሰረተ መሆኑን መንግስት በጽኑ ያምናል። ይህ የኢትዮጵያ ፍላጎት በተግባር መሬት ሲረግጥ፣ የአፍሪካ ቀንድ የዓለም ኃይላትን መፋለሚያ መሆን አብቅቶለት፣ እውነተኛ የብልፅግና ማዕከል እንደሚሆን ተረጋግጧል።