በኢትዮጵያ በየወሩ እስከ 55 የሚደርሱ ህፃናትና ወጣቶች በአዲስ መልክ በስኳር ህመም ማህበር እንደሚመዘገቡ ተገለጠ

​በህፃናት እና ወጣቶች ላይ የስኳር ህመም በከፍተኛ ሁኔታ እየጨመረ መሆኑ ተጠቆመ፤ ማህበሩ ለ18 ሺህ ታካሚዎች ሁለገብ ድጋፍ እያደረገ ነው በአሁኑ ወቅት በኢትዮጵያ ውስጥ በህፃናት እና በወጣቶች ላይ የስኳር ህመም ስርጭት በስፋት እየተስተዋለ መምጣቱን የኢትዮጵያ ስኳር ህሙማን ማህበር አስታወቀ። ማህበሩ የችግሩን አሳሳቢነት ለመቀነስ በሁለት ታላላቅ ፕሮጀክቶች አማካኝነት በሀገር አቀፍ ደረጃ ለሚገኙ ከ18 ሺህ በላይ ህፃናት እና ወጣቶች ሁለገብ ህክምናዊና ማህበራዊ ድጋፍ እያደረገ ይገኛል።

የዕድሜያቸው ለጋ የሆኑ አዳዲስ ህሙማን ቁጥር መጨመር የማህበሩ የህዝብ ግንኙነት ባለሙያ አቶ ኤርሚያስ ገ/ማርያም ወቅታዊውን የጤና ስጋት አስመልክተው በሰጡት መግለጫ፤ በየወሩ ዕድሜያቸው ለጋ የሆኑ ከ40 እስከ 55 የሚደርሱ አዳዲስ ህፃናትና ወጣቶች በበሽታው ተይዘው በማህበሩ በይፋ ይመዘገባሉ። ይህ አኃዝ እንደ ሀገር በሽታው በትውልዱ ላይ እያሳደረ ያለውን ተጽዕኖ በግልጽ የሚያሳይና አስቸኳይ ምላሽ የሚሻ ጉዳይ መሆኑን ባለሙያው አብራርተዋል።

ይህንን እየጨመረ የመጣውን አሳሳቢ ቁጥር ተከትሎ፣ ማህበሩ በሁለት ትልልቅ ብሔራዊ ፕሮጀክቶች አማካኝነት በሁሉም የሀገሪቱ ክልሎች በሚገኙ 97 ሆስፒታሎች ውስጥ ለሚገኙ ከ18 ሺህ በላይ ህፃናት እና ወጣቶች ሁለገብ ድጋፍ እያደረገ ይገኛል። ድጋፍ ከሚደረግላቸው ታካሚዎች መካከል አብዛኞቹን ማለትም ከአንበሳው ድርሻ በላይ የሚሆነውን ቁጥር የሚይዙት ህፃናት መሆናቸውን ማህበሩ በይፋ አረጋግጧል።

ማህበሩ በመላ ሀገሪቱ በሚገኙ 97 ቅርንጫፎቹ በኩል የሚያደርገው ይህ ዘርፈ ብዙና ሁሉን አቀፍ ድጋፍ፣ ዕድሜያቸው ከ18 እና ከ25 ዓመት በታች የሆኑ ህፃናትና ወጣቶች ከበሽታው ጋር በተሻለ ዝግጁነት፣ በሙሉ ጤንነትና በተስፋ መኖር እንዲችሉ ትልቅ አስተዋጽኦ እያበረከተ ይገኛል።

© 2026 ሎሚ ኒውስ (lomiinews.com). መብቱ በህግ የተጠበቀ ነው።

ለተጨማሪ ትኩስ ዜናዎችና ጥልቅ ትንተናዎች የቴሌግራም ቻናላችንን ይከታተሉ!